SAMARQAND VILOYAT JOMBOY TUMAN XALQ TA`LIMI MUASSASALARI FAOLIYATINI METODIK TA`MINLASH VA TASHKIL ETISHBO`LIMIGA QARASHLI 28-UMUMIY O`RTA TA`LIM MAKTABINING 8-“B”SINF O`QUVCHISI MAMATQULOVA NIGORANING “MENING BOBOM,BUVIM MAHALLAMIZ FAXRI” MAVZUSIDA YOZGAN INSHOSI.
Mening bobom, buvim mahallamiz faxri
Reja:
I.Kirish.
Keksalarni e’zozlash – o’lmas qadriyat.
II. Asosiy qism:
1. Mening bobom jasorat va matonat egasi .
2.Sochlari oq, qalbi pok, mehri daryo buvijonim – sadoqat timsoli .
3.Mahalla obodligini inson qalbidan boshlagan fidoiylar.
III.Xulosa.
Xonodonimiz farishtalari – keksalarimiz mudom e’zozda.
Har kuni, har soatda fidoiy bo’lish ,
o’zini tomchi va tomchi , zarrama –zarra
buyuk maqsadlar sari charchamay , toliq-
may tinimsiz safarbar etib borish, bu
fazilatni doimiy kundalik faoliyat mezoniga
aylantirish –haqiqiy faxr va qahramonlik.
I.A.Karimov.
Prezidentimiz Islom Karimov joriy yilni ,,Keksalarni e’zozlash “yili deb nomladilar. Bunga alohida to’xtalib o’tsak, keksalar kimlar o’zi? Keksalar — bizni har bir ishimizda duo qilguvchilar, xonadon farishtalari va muvaffaqiyotlarimiz sababchilaridir.
E’zoz aslida ,,e’za’’ , ,,azza” so’zlari aslida Ollohning sifatlaridan biri ekan .Demak, keksalarimizni qadrlash ham Olloh buyurgan burchlarimizdan biri .
Prezidentimiz tashabbuslari bilan bilan 1996-yil Toshkentda ,,Nuroniylar “ jamg’armasi tashkil etildi .Bugungi kunda urush yillarida front ortida xizmat qilgan 89 yoshgacha bo’lgan 530 nafar qariyalarga 381 ta bepul tibbiy yo’llanma va dam olish joylariga yo’llanmalar berildi. Yurtboshimiz-ning 2014-yil 13 oktabrdagi qaroriga muvofiq , harbir nafaqadagi keksaga bepul tibbiy yordam ko’rsatilishi va ularning murojatlari javobsiz qoldirilmasligi shart deb belgilandi. Bizning bobolarimiz tinchlik, obodlik va ozodlik uchun kurashganlar. Biz ularni va haqiqiy vatanparvar, jasorat va matonat egasi deb matonat egasi deb atasak mubolag’a bo’lmaydi.
Urush yillarida bobomga VATAN sog’inchi, uning diydoriga erishish umidi zulmatdagi nur kabi bo’lgan bo’lsa, shu nurning bir shulasi buvimga bo’lgan sof muhabbatlari edi mening nazarimda. Bobom yarador bo’lganlarida ularning ko’z oldilarida buvimning yorqin va nurli siymosi gavdalanib, ularni hayotga qaytargan ekanlar.
Bobomga zafar qozonishga bo’lgan ishonchni ham o’z ona yurti va suyukli yoriga bo’lgan muhabbat bergan bo’lsa ne ajab. Buvim ham ularni sabr –toqat va sadoqat bilan kutganlar.
Buvim bizlarga odob –axloq ,kasb hunar o’rgatadilar .Odob me’yorlarini o’rgatishda milliylik, asrlar osha shakllangan o’zbekona o’ziga xoslikni hayotiy dalillar asosida tushuntirishga harakat qiladilar. Har bir xotin-qiz bilishi zarur bo’lgan ,oila fayzi uchun ahamiyatli hunarlarni: tikish-bichish,mazali taom tayorlash sirlarini mehr bilan o’rgatadilar.Bizlarni kelajakda bekamu ko’st inson bo’lishimizni xohlaydilar.
Sochingiz paxtaday oq,
Mehri daryo,qalbi pok,
So’zlari bol-u qaymoq,
Buvijonim.
O’zingiz har ishda bosh ,
Hurmat qilar keksa yosh,
Bizning uydagi quyosh,
Buvijonim.
Mahallamizda ko’plab mehnat va urush faxriylari istiqomat qiladilar. Shular orasida yurt, mahalla obodligini o’ziga faxr deb bilgan bobom va buvim ham borlar. Ular bizga o’xshagan yoshlarni vatanni sevishga, mehnat qilishga, fidoiylikka undaydi. Qalbimizdagi vatanparvarlik, insonparvarlikning amaldagi samarasini ko’rgan bobom va buvim bizni duo qilishdan charchamaydilar.
Mahallamizdagi har bir obodonlashtirish va ko’kalamzorlashtirish ishlarida mening bobom, buvim ham faol ishtirok etadilar. Ular o’zlari kabi boshqalarni ham mahalla obodligi uchun safarbar etadilar. Bobom turli xil mevali va manzarali daraxtlarni o’tqazib , bu ishlarni biz yosh avlodga o’rgatadilar. Bobomning shu kabi xizmatlari va urush faxriysi bo’lganligi uchun davlatimiz tomonidan yetarlicha taqdirlangan bo’lib, ularning 3ta medal va 2ta ordenlari bor.
Qatag’on qurbonlarini, ikkinchi jahon urushida halok bo’lgan bobolarimizning nomlarini yod etish, ularning ruhini shod etish biz baxtli avlodning burchimizdir.
Boshimizda bizga toj bo’lib kelayotgan keksalarimizni e’zozlash esa abadiy qadriyatdir. Chunki, xotira –muqaddas, qadr abadiy. Keksalik –bu hikmat . Buning sababi keksalarimiz juda ko’p hayotiy mashaqqatlarni boshidan o’tkazgan . XX asrning eng daxshatli fojeasi deb tan olingan II jahon urushi davrida front va front ortida kishilarning chekkan jabru sitamlar haqida o’ylasak, birma-bir ko’z oldimizga keltirsak
etlarimiz jimirlab ketadi. Shu azoblarga bardosh bera olgan bobo-yu buvilarimiz doimo sog’ omon bo’lishsin. Tarbiya –ta’lim berguvchi, muvaffaqiyatlarimiz sababchilari , xonadonimiz farishtalari- keksalarimizni mudom qadrlaylik!
Mamatqulova Nigora